Suliffiit sulisullu pineqartut qinerneqarnerinut tunngasut

Naatsorsuinermi najoqqutatut atorneqartoq aallaavittut, pisortaqarfinni akissarsiatigut ataqatigiimmik aaqqissuussat, pisortaqarfinni sulisuni tamani akissarsiat nalunaarsuutaanni atorneqarpoq. Pisortaqarfinni sulisunili ataasiakkaani ingerlatsivinnullu assingusuni ataasiakkaani atorneqarani.

 

Pisortat aningaasaqarnerat pillugu kisitsisit atorlugit nassuiaasiaq assersuutigigaanni, Namminersorluni Oqartussani kommuninilu tamanna kisimi pisinnaavoq. Taamaattumik saqqummersitami Naalagaaffimmi, ingerlatsivittullu assingusuni, suliffeqarfinnilu imminut ingerlatittuni atorfillit ilangunneqanngillat.

 

Pisortat ingerlatiffiini kiffartuussiffiinilu Namminersorlutik Oqartussani kommuninilu taamaallaat naatsorsuineq pivoq, tunngaviatigullu pisortatigut aningaasaqarneq pillugu kisitsisit atorlugit nassuiaasiami killiliineq assigalugu. Tabelimi atorfeqarfiit naatsorsukkani ilaanngitsut nalunaagaapput.

 

Atorfeqarfiit, naatsorsukkami ilaanngitsut.

Suliffeqarfiit naatsorsuinermi amigaataasut

Suliffeqarfiit naatsorsuinermi ilaanngitsut

Inatsisartuts Allattoqarfiat Inatsisartut ombudsmandiat

Nunani allani pisortaqarfinni atorfillit Selvskabinut assingusut pisortat ingerlataat (Asiaq, KNR, Mittarfeqarfiit aamma Nukissiorfiit) Naalagaaffimmi nalinginnaatsumik atorfillit (nalunaaquttap akunnermusiallit ilanngullugit) Arktisk kommando, Kalaallit Nunaanni Eqqartuussivik, Kalaallit Nunaanni pinerluttunik isumaginnittoqarfik, Politiit, Naalagaaffiup Sinniisoqarfia, atorfeqarfiillu allat.  Suliffeqarfiit imminut ingerlattut (Namminersorlutik Oqartussanit/kommuninit aningaasaliiffigineqartartut) Ingerlatseqatigiiffiit Namminersorlutik Oqartussanit pigineqartut

 

Pisortaqarfinni atorfillit pillugit kisitsisit atorlugit nassuiaasiornermi killigititat

·         Piffissamik naatsorsuinermi atorneqarpoq, piffissaq suliffigisaq akissarsiviusussaq, akerlianik akissarsiap tunniunneqarneranut piffissap naatsorsornera ilaanngilaq.  

·         Suliffeqarfiit imminut ingerlattut ilanngunneqanngillat (Ingerlatsiviit pisortaqarfinnit aningaasaliiffigineqartartut).

·         Kalaallit Nunaata avataani pisortaqarfinni atorfillit ilanngunneqanngillat, aamma danskit naalagaaffianni atorfillit ilanngunneqaratik.

·         Pisortaqarfinni allatigut nuussinerit akissarsiaanatillu/kajumissaataanngitsut ilanngunneqanngillat. (Soraarnerussutisiat assigissaallu ilaanngillat).

·         Pisartakkat kajumissaatillu ilaanngillat, qaammammorsiaqarluni akunnermusiaqarluniluunniit atorfeqarnermut atassuteqanngippata. (Ataasiarluni tapisineq, siulersuisutut kajumissaatisiat, qatserisartutut pisartakkat, kommunalbestyrelsemi ilaasortaanermi pisartakkat, kingornatigoortumik pisartakaat assigisaallu ilaanngillat).

·         Politikeritut pisartakkat akunnermusiani aalajangersimasuni akissarsiatut isigisaanngillat. Politikerit taamaallaat ilanngutaapput pisortaqarfinni suliffimmi allami akissarsiaqartuugunik, piffissami suliffigisimasaniinnnaq.  

·         Atorfillit 1 time ataallugu sulisimasut ilanngunneqanngillat. Taamatuttaaq atorfillit 1 kr. inorlugu akissarsiallit ilanngunneqaratik.  

·         Atorfillit, namminersorlutik sulisut, taamatullu kiffartuussinermut aningaasanik pissarsisimasut, ilaanngillat, assersuutigalugu imittilluni nutsigassanik suliaqartartoq.